GRACIAS A TODOS!!!

Entre todos logramos facer o Domingo 26 unha gran festa homenaxe a Aarón.

Dende o Outes FC, agradecer a colaboración de todos e cada un dos que fixestes posible este emotivo acto.

A recaudación en taquilla foi superior ós 900 €. O Outes FC aportou unha modesta cantidade ata cubrir os 1000 € que se lle fixeron entrega ó finalizar o partido.

CARTEL HOMENAXE AARÓN

PREMIO DEPORTISTA DO ANO

O vindeiro 26 de Decembro, o Outes fará entrega do II premio anual ó Deportista do Ano. En esta ocasión o elexido non é outro que Aarón Filgueira. Para completar a festa, o Outes FC disputará un partido amigable diante da Esteirana.

A taquilla recaudada en dito partido será donada integramente a Aarón Filgueira, para así axudar a paliar a falta de patrocinio que o noso campión sufre.

Deamos a merecida homenaxe a este gran deportista!!!

Resultados da fin de semana

Os encontros comezaron o sábado pola mañán coa derrota inesperada dos cadetes en Fisterra. Os fisterráns fixéronse fortes no seu recén estreado campo e coa axuda inestimable do público conseguiron dobregar ós nosos por 3-2. A clasificación non sufre variacións significativas. Seguimos no terceiro posto.

Xa pola tarde, os xuvenís desprazaronse á Picota a disputar o partido contra o Mazaricos, pero estenon se puido disputar pola incomparecencia do colexiado que debería arbitrar o partido.

O domingo pola mañá, os infantís conseguiron sacar un valioso punto no Municipal de Lombáns (Carnota), ante un moi duro rival. O resultado final foi de 1-1, pero os nosos dispuxeron de numerosas ocasións para poder levarse o partido. O gol de Agustín da un novo empate á espera de recibir ó lider intratable da categoría: o Dumbría, que ven de golear esta fin de semana por 20-0 ós Miudos de Muros.

O desprazamento do equipo de 3ª autonómica a Buño para xogar o último partido da 1ª volta non saeu como a todos nos gustaría. O resultado final de 3-1 non é reflexo do acontecido no terreo de xogo. Todo puido cambiar si Pesco aproveita un man a man que tivo co porteiro local ó pouco de comezar o partido e co 0-0 ainda no marcador. Pero parece que últimamente non temos a sorte de cara e un Cerqueda moi ordeado e eficaz encargouse de poñer o encontro ó seu favor. Deivi recortou diferencias con un remate de cabeza pero os tres puntos voaron cara Malpica. A próxima fin de semana rendimos visita a Laxe no primeiro partido da segunda volta. A ver si comezamos con bo pe e conseguimos puntuar de novo fora da casa, que este ano estanos a costar mais da conta.

Tarde, pero.... RESULTADOS DA FIN DE SEMANA PASADA

3ª AUTONÓMICA

LIRA 0 - 1 OUTES

1ª AUTONÓMICA XUVENIL

OUTES 4 - 2 DUMBRIA

2ª AUTONÓMICA CADETE

CORISTANCO 1 - 7 OUTES

2ª AUTONÓMICA INFANTIL

BERGANTIÑOS 6 - 1 OUTES

Os pequechos dan as alegrías

Esta fin de semana quedamos a medias. Tan só puideron sacar algo positivo os infantís e cadetes, que se desprazaron a Muros. Os xuvenís e aficionados caeron pola mínima.

Bo partido o disputado polo equipo Cadete que comezaba este sábado ás 10 da mañá. O municipal de Miraflores puido presenciar o resultado mais amplo da xornada con un 0-4 para os de Claudino. Abraham con un hat-trick foi o mais destacado dos nosos. Con esta victoria, os cadetes escalan ata a 3ª posición da taboa a tan só 2 puntos da cabeza.

Xa as 12:00 e sin sair de Miraflores, os nosos infantís enfrentaronse ós miudos. O partido non comezou con bo pe, con 15 minutos xogados, o equipo local xa dispoñía dunha renta de dous goles. A pesares de apretar e chegar con perigo á portería dos miudos, foise ó descando co resultado de 2-0. Na volta dos vestiarios, seguiu o asedio da portería local por parte dos nosos rapaces que con moito traballo conseguiron empatar con goles de Manu e Fabio, xa no minuto 2 de desconto.

Bonito encontro o que se puido ver este sábado pasado no Municipal do Conchido, onde o Fisterra dou un recital de bo xogo, principalmente na primeira media hora de encontro. Os fisterráns dispuxeron de numerosas ocasións de gol que en ocasións desbaratou Jonan, en outras rechazadas polos paus e incluso xogadores visitantes que rechazaban os propios disparos dos seus. Pero o Outes aguantou ben o chaparrón e a pesares de recibir o primeiro gol ós poucos minutos, non se veu abaixo e preto do descanso conseguiu empatar o partido con gol de Piti. Xa na segunda parte, o encontro estivo mais nivelado, pero as chegadas do Fisterra seguían a ser moi perigosas. Xa na recta final do partido, o gol dos visitantes colocou o 1-2 final no marcador.

Os aficionados disputaron, como ven sendo habitual, un moi bo partido. O Cabana non era quen de parar ós nosos, e limitouse a defender (eso si, moi ben ordenados) e tentar sair á contra. Non chegaron á portería de Gato con perigo en todo o partido. Por parte do Outes, Deivi tivo un man a man co porteiro que puido supoñer o 0-1, Primo tamén dispuso de unha inmellorable ocasión para marcar de cabeza, pero o remate saeu rozando o poste. Pero foi un corner do Cabana, o que puxo o 1-0 no marcador, que xa non se movería.